करिब एक करोड लगानीमा उरी ममः उद्योग

वैदेशिक रोजगारीका क्रममा १५ वर्ष दक्षिण कोरिया बसेर आएका चितवनका एक युवा उद्यमीले आफ्नो उद्योगमा ८ जनालाई रोजगारी दिएका छन् । भरतपुर –५ तोरी खेतका इभान गिरीले कोरियामा मासिक तीन लाख रुपैयाँको जागीर छाडेर नेपाल फर्किएर उद्यमी बनेका हुन् ।

उनले भरतपुर–५ को शान्तिचोकमा उरी मःम उद्योग सञ्चालन गरेर थप आठ जनालाई रोजगार प्रदान गरेका हुन् । “हाम्रो उद्योगबाट स्वचालित मेसिनबाट चिकेन, बफ र भेज मःम उत्पादन गरेर बिभिन्न डिपार्टमेन्ट स्टोर्स, रेष्टुराँ, होटल तथा क्यान्टिनमा बिक्री गर्नेगरेका छौँ” गिरीले भने, “२० लाख रुपैयाँबाट शुरु भएको उद्योगमा अहिले करिब एक करोड रुपैयाँ लगानी पुगेको छ ।”