इन्ज्युरी समयकाे गाेलमा आर्सनल विजयी

काठमाण्डाै – इङ्ग्लिस प्रिमियर लिग (ईपीएल) मा आर्सनलले लुटाेन टाउनलाई हराएकाे छ । गए राति केनिलवर्थ राेडमा भएकाे खेलमा आर्सनलले घरेलु टाेलीलाई ४–३ गाेलकाे अन्तरले हरायाे ।

निकै प्रतिस्पर्धात्मक खेलमा इन्ज्युरी समयमा गाेल गर्दै आर्सनल विजयी भयाे । आर्सनलका गेब्रियल मार्टिनेलीले २० औँ, गेब्रियल जेससले ४५ औँ, काई हाभेर्ट्जले ६० औँ र डेकलन राइसले इन्ज्युरी समयकाे ७ औँ मिनेटमा गाेल गरे । लुटाेन टाउनका गेब्रियल ओशाेले २५ औँ, एलिजह एडेबायाेले ४९ औँ र राेस बार्क्लेले ५७ औँ मिनेटमा गाेल गरे ।