आइसिसी सदस्य मङ्गोलियामा पुटिन पक्राउ पर्न सक्ने चिन्ता नलिएको क्रेमलिनको भनाइ

मङ्गोलियाले आगामी साता सो मुलुकको भ्रमणमा जान लाग्नुभएका रुसी राष्ट्रपति भ्लादिमिर पुटिनलाई पक्राउ गर्न सक्छ भन्नेमा कुनै चिन्ता नलिएको क्रेमलिनले शुक्रबार बताएको छ ।

मङ्गोलिया अन्तर्राष्ट्रिय फौजदारी अदालत (आइसिसी) को सदस्य राष्ट्र हो र आइसिसीले पुटिनलाई पक्राउ पुर्जी जारी गरेको छ । हेगस्थित आइसिसीले युक्रेनी बालबालिकाको अवैध निर्वासनमा सन् २०२३ मार्चमा पक्राउ पुर्जी जारी गरेपछि राष्ट्रपति पुटिन मङ्गलबार आइसिसी सदस्यको पहिलो भ्रमणमा मङ्गोलिया जानुहुनेछ ।