अमेरिकी डलर र युरोसहित अधिकांश विदेशी मुद्राको भाउ बढ्यो

काठमाडौँ । नेपाल राष्ट्र बैंकले आजका लागि विदेशी मुद्राको विनिमय दर सार्वजनिक गरेको छ। सार्वजनिक विवरणअनुसार आज अमेरिकी डलर, युरो, पाउन्ड स्टर्लिङ र खाडी मुलुकका मुद्राहरूको भाउ हिजोको तुलनामा बढेको छ । जसका कारण नेपाली रुपैयाँ केही कमजोर बनेको छ। आजका लागि अमेरिकी डलर एकको खरिददर १५४ रुपैयाँ ६२ पैसा र बिक्रीदर १५५ रुपैयाँ २२ पैसा कायम गरिएको छ । जबकि हिजो डलरको खरिददर १५४ रुपैयाँ १६ पैसा र बिक्रीदर १५४ रुपैयाँ ७६ पैसा तोकिएको थियो।

त्यसैगरी युरोपियन युरो एकको खरिददर १७९ रुपैयाँ ३१ पैसा र बिक्रीदर १८० रुपैयाँ ०१ पैसा कायम भएको छ भने हिजो यसको खरिददर १७९ रुपैयाँ १२ पैसा र बिक्रीदर १७९ रुपैयाँ ८२ पैसा थियो।