के मुख बाङ्गिनु श्राप हो र?

मुख बाङ्गिने समस्याका कारण धेरै छन, जस्तै बेल्स पाल्सी, लाइम रोग, पक्षघात, रामसे हन्ट सिन्ड्रोम, केन्द्रीय अनुहार पक्षाघात, ट्युमर आदि। यो धेरै जसो बेल्स पाल्सिमा देखिने हुदाँ आउनुहोस् यसको बारेमा बुझै।

बेल्स पाल्सी अनुहारको एउटा यस्तो अवस्था हो जसमा अनुहारको प्रभावित भागमा भएका मांशपेशिहरु कमजोर हुने, ति मांशपेशिहरुको काम गर्न सक्ने क्षमता कम हुने वा चलाउन गाह्रो हुने वा नसक्ने हुन्छ। बेल्स पाल्सी अनुहारको पक्षाघात हो जुन क्रेनियल नर्भ भी आइआइ, फेसियल नर्भको डिसफंक्शनले गर्दा हुने गर्दछ।यसलाई इडियोप्याथिक पेरिफेरल फेसियल पाल्सी पनि भनिन्छ। बेल्स पाल्सी एक इडियोपैथिक अवस्था हो, अर्थात् कुनै खास कारण निर्णायक रूपमा स्थापित भएको छैन। एकपटक फेसियल पाल्सीका अन्य कारणहरू हटिसकेपछि, बिरामीलाई बेल्स पाल्सी भएको भनिन्छ।