श्रीलंका भ्रमण गर्दै भारतीय विदेश सचिव

नयाँदिल्ली- भारतका विदेश सचिव हर्षवर्द्धन श्रींगलाले श्रीलङ्काको भ्रमण गर्ने भएका छन्। अक्टोबर २ देखि ५ सम्म उनले श्रीलङ्का भ्रमण गर्ने तय भएको भारतीय विदेश मन्त्रालयले जानकारी दिएको छ।

भारतको निकट छिमेकी श्रीलङ्कालाई महत्व दिएर भारतका विदेश सचिवले भ्रमण गर्न लागेको जनाइएको छ। 'छिमेकी प्रथम' भन्ने भारतको विदेश नीतिअनुसार छिमेकीलाई प्रथम प्राथमिकता दिएको रुपमा व्याख्या गरिएको छ।