महसुल नतिर्नेको विद्युत् काटियो

बेनी समाचारदाता

म्याग्दी (बेनी), पुस २७ गते । नेपाल विद्युत् प्राधिकरणको म्याग्दी वितरण केन्द्रले समयमा विद्युत् महसुल नबुझाउने २१२ ग्राहकको लाइन काटेको छ । वर्षौंसम्म विद्युत् महसुल नतिर्ने ग्राहकको लाइन काटेर पुनः जडान शुल्कसहित २४ लाख ८० हजार २१६ रुपियाँ बाँकी बक्यौता असुल गरिएको कार्यालयले जनाएको छ । लाइन काटिनेमा दुई वर्षदेखि १० वर्षसम्म महसुल नबुझाउने ग्राहक छन् ।