लगातार ढुंगा खसेपछि नारायणगढ-मुग्लिन सडक अवरुद्ध, भोलि मात्र अवरोध हटाइने

मुग्लिननजिक पहाडमाथिबाट लगातार ढुंगा खसेर अवरुद्ध भएको नारायणगढ–मुग्लिन सडक भोलि मात्र खोलिने भएको छ । सडकमा थुप्रिएका ढुंगा भोलि –बिहीबार) बिहान मात्र हटाइने भएपछि आज रातभर मुख्य राजमार्ग अवरुद्ध भएको छ ।

इच्छाकामना गाउँपालिका– ५ को तीन नम्बर पुलनजिक खसेको पहिरोका कारण यातायातका साधन रोकिँदा सयौँ यात्रु अलपत्र छन् । यहाँ बुधबार रातिदेखि नै ढुंगा खसेर पटकपटक यातायात अवरूद्ध भएको थियो ।