ट्रम्पको नीतिविरुद्ध एक ठाउँमा चीन–रुस, ट्रम्पको ‘गोल्डेन डोम’ योजनाको पनि निन्दा

काठमाडौं । चीन र रुसले अमेरिकी राष्ट्रपति डोनाल्ड ट्रम्पका वर्चस्ववादी नीतिहरूको कडा आलोचना गरेका छन् । बुधबार रुसी राष्ट्रपति भ्लादिमिर पुटिन र चिनियाँ राष्ट्रपति सी चिनफिङबीच भएको शिखर वार्तापछि जारी संयुक्त घोषणापत्रमा दुवै देशले आफूलाई बहुध्रुवीय विश्व व्यवस्थाको समर्थकका रूपमा प्रस्तुत गरेका छन् ।

उक्त घोषणापत्रमा कुनै एक देशको मात्र प्रभुत्व नरहेको विश्व व्यवस्थाको पक्षमा चीन र रुस उभिएको उल्लेख छ ।