‘सर्वसम्मत नेतृत्व चयन गर्नू’
annapurnapost.com · Sat Dec 18 07:05:00 GMT 2021
काठमाडौं : नेकपा एमालेले जिल्ला र प्रदेशको अधिवेशनमा नेतृत्व चयन सर्वसम्मत गर्न निर्देशन दिएको छ। शुक्रबार अन्तरपार्टी निर्देशन जारी गर्दै पुस २३ मा जिल्ला र माघ ८ मा प्रदेश अधिवेशन गर्न निर्देशन दिएको हो। सर्वसम्मत हुन नसकेमा मात्रै निर्वाचनको विधि अवलम्बन गर्ने बताइएको छ। वडा तथा पालिकास्तरको अधिवेशन पनि एकै दिन भएका थिए।
अधिवेशनसँगै पार्टी प्रवेश र संगठन विस्तार अभियान चलाउन पनि आग्रह गरेको एमाले महासचिव शंकर पोखरेलले जानकारी दिए। माघ/फागुन महिनामा विशेष कार्यक्रम आयोजना गरी पार्टी प्रवेश अभियान सञ्चालन गर्ने उनको भनाइ छ। एमालेमा धेरै जनसंगठनको महाधिवेशन हुन सकेको छैन। राष्ट्रिय महाधिवेशनले पार्टीको जनाधार अक्षुण र सुदृढ रहेको पुष्टि गरेको अन्तरपार्टी निर्देशनमा छ।
स्रोतमा पूरा पढ्नुहोस् (annapurnapost.com)