करका कारण बजार खस्कँदै जाँदा अमेरिका ‘बलियो’ हुने ट्रम्पको भनाइ

अमेरिकी राष्ट्रपति डोनाल्ड ट्रम्पले बिहीबार उहाँको भन्सार आक्रमणले ल्याएको आघातलाई स्वीकार गर्नुभएको छ । यद्यपि उहाँले विश्व बजार खस्किए पनि अमेरिकी अर्थतन्त्र ‘धेरै बलियो’ हुने बताउनुभयो ।

“शल्यक्रिया समाप्त भयो ! बिरामी बाँच्यो र निको हुँदैछ । बिरामी पहिलेभन्दा धेरै बलियो, ठूलो, राम्रो र बढी लचिलो हुने अनुमान छ”, ट्रम्पले वाल स्ट्रिट कारोबारका लागि खुल्नुभन्दा एक घण्टाभन्दा कम समयमा आफ्नो ट्रुथ सोशल प्लेटफर्ममा पोस्ट गर्नुभयो ।