सिकलसेल–थालासेमिया शिविर : एक हजार ८४० को परीक्षण

विशेषगरी थारू समुदायमा बढी देखिने सिकलसेल एनिमिया रोगको पहिचानका लागि घोराही उपमहानगरपालिका–१२ निवासी १३ वर्षीया उर्मिला चौधरीले रक्त परीक्षण गराउनुभयो । घोराही–१० नारायणपुरस्थित सिद्धरत्ननाथ माध्यमिक विद्यालयमा आयोजित शिविरमा उहाँले आफूमा रोगको संक्रमण छ कि छैन भन्ने पहिचानका लागि परीक्षण गराउनुभएको हो ।

थारू समुदायमा बढी देखिने यस रोगबाट बच्न परीक्षण गराउन शिविरमा आएको बताउँदै उहाँले भन्नुभयो, “परीक्षणका लागि रगत दिएकी छु, रिपोर्ट आएपछि रोगको संक्रमण भए–नभएको ढुक्क हुनेछु ।”