पञ्जाबविरुद्ध गुजरात ६ विकेटले विजयी, उक्लियो तेस्रो स्थानमा

भारतमा जारी इण्डियन प्रिमियर लिग (आइपिएल) मा गत संस्करण विजेता गुजरात टाइटन्सले तेस्रो जित निकालेको छ । तेस्रो जित निकाल्नेक्रममा गुजरातले गएराति सम्पन्न खेलमा पञ्जाब किंग्सलाई ६ विकेटले हरायो ।

पञ्जाबले दिएको १ सय ५४ रनको लक्ष्य गुजरातले १९.४ ओभरमा ४ विकेट गुमाएर भेट्टायो । उसका लागि ओपनर शुभमन गिलले अर्धशतकीय पारी खेले । ४९ बलको सामना गरेका उनले सात चौका र एक छक्कासहित ६७ रन बनाए । ऋद्धिमान साहले ३०, साई सुदर्शनले १९ र डेविड मिलरले अविजित १७ रनको योगदान दिए ।