मन्त्री रेखा शर्मालाई प्रश्न– सरकारलाई टिकटक बन्द गर्नुपर्ने बाध्यता किन आइलाग्यो ?

काठमाडौँ । सरकारले ‘टिकटक’ बन्द गर्ने निर्णय गरेसँगै यसको विरोध र समर्थन दुवै भएको छ । राजनीतिक वृत्तबाट भने यसलाई अभिव्यक्ति स्वतन्त्रतासँग जोडेर विरोधसमेत भएको छ ।

सत्तारुढ दलकै केही नेताले समेत टिकटक बन्द गर्ने निर्णयको विरोध गरेका छन् भने प्रतिपक्षले पनि नियमन गर्नुपर्नेमा बन्द नै गरेको भनेर सरकारको आलोचना गरेको छ ।