‘शिक्षकमाथिको हस्तक्षेप स्वीकार्य छैन, आवश्यक परे फेरि आन्दोलनमा जान्छौँ’

काठमाडौँ- शिक्षक नेताहरूले सरकारका पछिल्ला नीति तथा निर्णयप्रति असन्तुष्टि व्यक्त गर्दै शिक्षक आन्दोलनको आवश्यकता परे फेरि सडक संघर्षमा उत्रने चेतावनी दिएको छ। उनीहरूले सरकारले शिक्षकका पेसागत अधिकारमाथि हस्तक्षेप बढाउँदै गएको आरोप लगाउँदै यस्तो अवस्था रहिरहे आन्दोलन अपरिहार्य बन्ने जनाएका हुन्।

शुक्रबार काठमाडौँमा आयोजित नेपाल शिक्षक महासंघ काठमाडौँ जिल्ला समिति पूर्णता घोषणा सभा तथा प्रतिबद्धता कार्यक्रममा महासंघका राष्ट्रिय अध्यक्ष लक्ष्मीकिशोर सुवेदी, महासचिव तुलाबहादुर थापा तथा नवनिर्वाचित जिल्ला नेतृत्वले सरकारका पछिल्ला कदमप्रति असन्तुष्टि जनाउँदै शिक्षक समुदायलाई एकताबद्ध भएर संघर्षका लागि तयार रहन आह्वान गरे।