किन सार्वजनिक हुँदैन मधेस सरकारको निर्णय ?

जनकपुरधाम । सरकारले गरेको काम कारबाही र निर्णयहरू विभिन्न माध्यबाट सार्वजनिक गर्नुपर्ने प्रावधान छ । ताकि सम्बन्धित व्यक्ति मात्रै होइन सर्वसाधारणले पनि सरकारको गतिविधिहरू प्रत्यक्ष रूपमा बुझ्न पाउन् । तर, मधेस प्रदेश सरकारले यस्तो गरेका छैनन् ।

'सरकार फेरियो, नेतृत्व बदलियो तर जनताले केही फरक आभास गर्न पाएनन्', जनकपुरधाम उपमहानगरपालिका ५ का रवि साह बताउँछन् । 'अहिलेको युगमा एक क्लिकमा सरकारको मुहार नै देखिनुपर्ने हो,' उनले भने, 'युग कहाँबाट कहाँ पुगिसक्यो तर हाम्रो देश र नेतृत्वमा कहिल्यै परिवर्तन देखिएन ।'