हनुमान जयन्तीको अवसरमा जनकपुरधाममा विशाल शोभा यात्रा

हनुमान जयन्तीको अवसरमा जनकपुरधाममा विशाल शोभा यात्रा निकालिएको छ । शोभा यात्राका क्रममा जनकपुरधामको नगर परिक्रमा गरिएको छ ।

चैत शुक्ल पूर्णिमाका दिन मनाइने हनुमान जयन्तिको अवसरमा निकालिएको शोभा यात्रामा हजारौँको उपस्थिति रहेको थियो । भगवान रामभक्त हनुमानको आजकै दिन माता अञ्जलीको कोखबाट जन्म भएको सम्झनामा चैत पूर्णिमाका दिन हनुमान जयन्ती मनाइन्छ ।