प्रमुख प्रशासकीय अधिकृत गुरागाईं महानगर छिर्दा गर्मागर्मी

काठमाडौं । काठमाडौं महानगरपालिकाका नगरप्रमुख बालेन्द्र शाह (बालेन)का कारण लामो समय बिदामा बसेका प्रमुख प्रशासकीय अधिकृत सरोज गुरागाईं तीन महिना १४ दिनपछि बिहीबार कार्यालय प्रवेश गरेका छन् । बालेनले काठमाडौं टावर निर्माण गर्ने नक्सा पास विवादका कारण गुरागाईंलाई कार्यालय प्रवेशमा रोक लगाएका थिए ।

बिहीबार गुरागाईं कार्यालयमा हाजिर हुने जानकारी पाएपछि सुरुमा नगर प्रहरीले प्रवेशमा रोक लगाउन खोजेको थियो । गुरागाईंलाई अवरोध गर्न नगर प्रहरी परिचालन भएका थिए । कर्मचारीको सहयोगमा उनी नगर प्रहरीको अवरोध छिचोल्दै कार्यालय प्रवेश गरे ।