सर्लाहीमा ट्रयाक्टरको ठक्करबाट चार वर्षीया बालिकाको मृत्यु

लालबन्दी। सर्लाहीको बागमती नगरपालिका–८ स्थित सोल्टीमा ट्रयाक्टरको ठक्करबाट ४ वर्षीया बालिकाको मृत्यु भएको छ।

मंगलबार साँझ करिब ६ः४५ बजे बरहथवाबाट सोल्टीतर्फ जाँदै गरेको ना.२ त. २८७ नम्बरको ट्रयाक्टरले स्थानीय सागर बिष्टकी छोरी प्रनिषा बिष्टलाई ठक्कर दिएको थियो। जिल्ला प्रहरी कार्यालय सर्लाहीका अनुसार ठक्करबाट गम्भीर घाइते भएकी बालिकालाई तत्कालै उपचारका लागि दयन्ति अस्पताल नयाँरोड लगिएको थियो।