संसदीय समितिहरूमा बजेटको नीतिगत प्राथमिकता र भूमिहीनका समस्याबारे छलफल हुँदै

काठमाडौँ । सङ्घीय संसद्अन्तर्गतका विभिन्न विषयगत समितिहरूमा आगामी आर्थिक वर्षको बजेट र भूमिहीन नागरिकका समस्या समाधानका विषयमा केन्द्रित रहेर छलफल हुने भएको छ। बजेट निर्माणको पूर्वसन्ध्यामा संसदीय समितिहरूले आफ्ना सक्रियता बढाएका हुन्।

प्रतिनिधिसभा अन्तर्गतको अर्थ समितिले आगामी आर्थिक वर्ष २०८१/८२ को बजेटमा समावेश गर्नुपर्ने नीतिगत विषयहरूका सम्बन्धमा विज्ञहरूसँग परामर्श गर्ने भएको छ। उक्त बैठकमा अर्थविद् तथा सम्बन्धित क्षेत्रका विज्ञहरूले मुलुकको वर्तमान आर्थिक चुनौतीलाई सम्बोधन गर्ने गरी बजेटका प्राथमिकता र नीतिगत सुधारका पक्षमा आफ्ना महत्त्वपूर्ण सुझावहरू प्रस्तुत गर्ने कार्यसूची रहेको छ। समितिले सरोकारवालाहरूसँगको छलफललाई तीव्र रूपमा अगाडि बढाएको छ।