राजनीतिक दललाई आयोगको पत्र, सिट तोकियो

काठमाडौं । निर्वाचन आयोगले राजनीतिक दललाई समानुपातिक प्रणालीतर्फबाट प्राप्त गरेको सिट संख्या तोकेर पत्र पठाएको छ । निर्वाचन आयोगले बुधबार गत ४ मंसिरमा सम्पन्न प्रतिनिधि तथा प्रदेशसभा सदस्य निर्वाचनअन्तर्गत समानुपातिक प्रणालीतर्फबाट प्राप्त सिट संख्या तोकेर जानकारीसहितको पत्र पठाएको हो ।

पत्रको जवाफ तीन दिनभित्र पठाउन दलहरूलाई भनिएको छ । समानुपातिकतर्फ प्राप्त मतभारका आधारमा स्थान (सिट) निर्धारण गरिदिएको हो ।