जेलेन्स्कीले गरे पुटिनलाई प्रत्यक्ष वार्ताको प्रस्ताव

किभ । युक्रेनका राष्ट्रपति भ्लोदिमिर जेलेन्स्कीले रुसका राष्ट्रपति भ्लादिमिर पुटिनलाई खुलापत्र लेख्दै युद्ध अन्त्यका लागि प्रत्यक्ष भेटवार्ताको प्रस्ताव गरेका छन् । पुटिनलाई सम्बोधन गरिएको पत्रमा जेलेन्स्कीले युरोपको युद्ध फेरि अमेरिकाको प्राथमिकतामा पर्न पर्खिरहनु उचित नहुने उल्लेख गर्दै युक्रेन र रुसबिचको प्रत्यक्ष संवादबाट मात्रै शान्ति सम्भव हुने बताएका छन् ।

उनले प्रस्तावित वार्ताको अवधिभर पूर्ण युद्धविराम लागू गर्न पनि आग्रह गरेका छन् । तर पुटिनले यसअघि नै युद्धविरामको उक्त प्रस्ताव अस्वीकार गरिसकेका छन् । अमेरिकी राष्ट्रपति डोनाल्ड ट्रम्पले दुवै नेताबिच भेट भए राम्रो हुने बताएका छन् ।