करिब आठ महिनाको अवधिमा पार्टीले निर्वाचनमा गरेको सफलता उत्साहका रूपमा लिनुपर्छ: मन्त्री झाँक्री

हरी विकास मन्त्री रामकुमारी झाँक्रीले नेकपा (एकीकृत समाजवादी) पार्टी निर्माण भएको करिब आठ महिनाको अवधिमा स्थानीय तहको निर्वाचनमा पार्टीले प्राप्त गरेको सफलतालाई उत्साहका रूपमा लिनुपर्ने बताउनुभएको छ ।

गुल्मी काठमाडौँ सम्पर्क मञ्चले शुक्रवार आयोजना गरेको स्थानीय तह निर्वाचनको समीक्षा कार्यक्रममा मन्त्री झाँक्रीले छोटो समयमा पार्टी र चुनाव चिह्न यति धेरै जनताका बिचमा पुग्न सक्नु र मत पाउनुलाई ठूलो उपलब्धिका रूपमा लिनुपर्ने बताउनुभयो ।