विजयनगरमा एकैपटक ६ भैँसीको मृत्यु

कपिलवस्तु । कपिलवस्तुको विजयनगर गाउँपालिका–५, नौरङ्गियामा घाँस चर्दै गरेका ६ वटा भैँसीको अकस्मात मृत्यु भएको छ। स्थानीय रामकिशोर यादवले छिमेकी शिवनाथ यादवको खेतमा चराउन लगेका भैँसीहरू घाँस खाइरहेका बेला एकपछि अर्को गर्दै ढलेका थिए।

घटनापछि बाँकी भैँसी तुरुन्तै उक्त स्थानबाट हटाइएको थियो। तीमध्ये केही अझै बिरामी अवस्थामै रहेको बताइएको छ। भैँसीको मृत्युको कारण यकिन भइनसकेको र घटना रहस्यमय देखिएको स्थानीय समाजसेवी लोकेश थापाले बताए।