रुसको आक्रमणमा युक्रेनमा थप १२ को मृत्यु, मारिएका ७०७ बालबालिकाको सम्झनामा सभा

कीभ : रुस र युक्रेनबीचको युद्धमा पछिल्ला दिनहरूमा भएको आक्रमणमा कम्तीमा १२ जनाको मृत्यु भएको छ र दर्जनौं घाइते भएको युक्रेनी अधिकारीहरूले बताएका छन् । युक्रेनी राष्ट्रपति भोलोदिमिर जेलेन्स्कीले सन् २०२२ देखि जारी युद्धमा रुसको आक्रमणका कारण कम्तीमा ७०७ जना बालबालिका मारिएको स्मरण गरेका छन् ।

पूर्वी युक्रेनको डोनेत्स्क क्षेत्रमा भएको बम र ड्रोन आक्रमणमा कम्तीमा ५ जनाको मृत्यु भएको र ११ जना घाइते भएको राष्ट्रिय प्रहरी सेवाले जनाएको छ । सात वटा बस्तीहरू आक्रमणको चपेटामा परेका थिए, जसमा आवासीय भवन, चिकित्सा संस्था, एम्बुलेन्स र अन्य संरचनामा ठूलो क्षति पुगेको छ ।