आईपीएलमा चेन्नईको लगातार तेस्रो हार  बेंगलुरु ४३ रनले विजयी

काठमाडौँ । आइतबार इन्डियन प्रिमियर लिग (आईपीएल) अन्तर्गत भएको खेलमा रोयल च्यालेन्जर्स बेंगलुरुले चेन्नई सुपर किंग्सलाई ४३ रनको फराकिलो अन्तरले पराजित गरेको छ ।

पहिले ब्याटिङ गरेको आरसीबीले ब्याट्सम्यानहरूको उत्कृष्ट प्रदर्शनको मद्दतले निर्धारित २० ओभरमा मात्र ३ विकेट गुमाएर २५० रनको विशाल योगफल तयार पारेको थियो । आरसीबीका लागि टिम डेभिडले विस्फोटक ब्याटिङ गर्दै मात्र २५ बलमा अविजित ७० रन बनाए । त्यस्तै, देवदत्त पडिक्कलले २९ बलमा ५० रनको अर्धशतकीय पारी खेले भने रजत पाटिदारले १९ बलमा अविजित ४८ रनको योगदान दिए । सीएसकेका लागि बलिङतर्फ भुवनेश्वर कुमारले सर्वाधिक ३ विकेट लिए ।