इरानले भन्यो, ‘कुवेत विमानस्थलमाथिको आक्रमणमा अमेरिकी प्रतिरक्षा प्रणालीको हात’

काठमाडौँ । इरानले कुवेत अन्तर्राष्ट्रिय विमानस्थलमा भएको क्षति इरानी ड्रोन आक्रमणबाट नभई अमेरिकी निर्मित प्याट्रियट क्षेप्यास्त्र प्रतिरक्षा प्रणालीको खराबीका कारण भएको दाबी गरेको छ।

इस्लामिक रिभोलुसनरी गार्ड कप्र्स (आईआरजीसी) का प्रवक्ता ब्रिगेडियर जनरल हुसैन मोहबीले विमानस्थलको यात्रु टर्मिनलमा भएको क्षति अमेरिकी प्याट्रियट प्रणालीको त्रुटिका कारण भएको बताएका हुन्।