बजेटको रातो किताबमा आफ्ना योजना समावेश गर्न प्रधानमन्त्रीलाई हर्क साम्पाङको ३७ बुँदे मागपत्र

प्रतिनिधि सभा सदस्य तथा श्रम संस्कृति पार्टीका संसदीय दलका नेता हर्कराज राई (हर्क साम्पाङ)ले आगामी आर्थिक वर्ष २०८३/८४ को बजेटमा सुनसरी क्षेत्र नम्बर १ का महत्वपूर्ण योजनाहरू समावेश गर्न माग गर्दै प्रधानमन्त्रीलाई पत्र लेखेका छन्।

सुनसरी क्षेत्र नं. १ का जनताले भोग्दै आएका आधारभूत समस्या समाधानका लागि आगामी बजेटको ‘रातो किताब’मा विशेष प्राथमिकता दिनुपर्ने उल्लेख गर्दै उनले ३७ बुँदे मागपत्र पेश गरेका हुन्।