मिडिया एलाइन्सले बुझायो श्रममन्त्री भण्डारीलाई ज्ञापनपत्र

काठमाडौं । मिडिया एलाइन्स नेपालले मूलधारका सञ्चार क्षेत्रमा देखिएका समस्या समाधान गर्न श्रम, रोजगार तथा सामाजिक सुरक्षामन्त्री शरत्सिंह भण्डारीलाई भेटेर सरकारको ध्यानाकर्षण गराएको छ ।

मिडिया एलाइन्सका अध्यक्ष भाष्करराज राजकर्णिकार नेतृत्वको प्रतिनिधिमण्डलले आइतबार श्रम, रोजगार तथा सामाजिक सुरक्षामन्त्री शरतसिंह भण्डारीलाई मन्त्रालयमा भेटेर विभिन्न माग समेटिएको ज्ञापनपत्र बुझाउँदै कोरोना महामारी, आर्थिक मन्दीलगायत कारण धराशायी बनेको सञ्चार गृहका समस्या समाधानमा सहयोग गरिदिन आग्रह गरेको हो ।