ग्वार्डियोलाले सिटी छोड्ने चर्चासँगै रोड्रीलाई अनुबन्ध गर्न रियलको कसरत

मड्रिड । स्पेनिस फुटबल खेलाडी रोड्रिगो हर्नान्डेज ‘रोड्री’ लामो समयदेखि रियल मड्रिडका लागि एक ‘असाध्य तर सपनाको’ अनुबन्धका रूपमा रहँदै आएका छन् र टोनी क्रुसको सन्यासपछि यो चाहना झनै बढेको छ।

हरेक ट्रान्सफर विन्डोमा मड्रिडको मिडफिल्डलाई व्यवस्थित गर्ने उपयुक्त विकल्पका रूपमा भाल्देबेबासमा उनको नाम स्वतः चर्चामा आउने गर्थ्यो। तर अहिले लामो समयपछि पहिलो पटक यो स्थितिमा परिवर्तन आएको छ र उनी रियल मड्रिड आउने चर्चा पहिलेभन्दा धेरै चुलिएको छ।