गुल्मीमा आत्महत्याको डरलाग्दो स्थिति

गुल्मी । गुल्मीमा आत्महत्याको डरलाग्दो स्थिति देखिएको छ । जिल्ला प्रहरी कार्यालय, गुल्मीका अनुसार आर्थिक वर्ष २०७७–७८ देखि २०७९–८० सम्म तीन वर्षको अवधिमा २४७ जनाले आत्महत्या गरेका छन् । झुन्डिएर, बिष सेवन गरेर, पानीमा डुबेर एवं हातहतियारको प्रयोग गरेर मानिसले आत्महत्या गरेको प्रहरीले जनाएको छ ।

तीन वर्षको अवधिमा सबैभन्दा धेरै झुन्डी आत्महत्या २१६ जनाले गरेका छन् । त्यस्तै बिष सेवन गरेर २४ जना, पानीमा डुबेर पाँच जना एवं औजार तथा हातहतियारबाट एक जनाले आत्महत्या गरेका छन् । आव २०७७–७८ मा कुल ९४ जनाले आत्महत्या गरे । जसमा झुन्डिएर ८६, बिष सेवन गरेर सात एवं पानीमा डुबेर सात जनाको ज्यान गएको छ ।