पाठ्यक्रम संक्षेपीकरण नगरे आइतबारको बिदा विद्यार्थीलाई बोझ हुन्छ : सांसद शर्मा

काठमाडौँ । नेपाली कम्युनिस्ट पार्टीकी सांसद बलावती शर्माले सरकारले जारी गरेको निर्देशिका अनुसार विद्यालयमा पाठ्य घण्टा र कार्य घण्टाबिच तालमेल नमिलेको बताएकी छन् । प्रतिनिधिसभाको जारी बैठकमा सांसद शर्माले सरकारको यो निर्णयले शिक्षण संस्थामा नराम्रो धक्का पुगेको बताइन् ।

‘एक वर्षभरिको पाठ्यक्रम त्यसैमा पनि आइतबारको बिदाले विद्यार्थीको पठाइमा गुणात्मक परिमार्जन हुन्छ कि हुँदैन,’ सांसद शर्माले भनिन्, ‘सरकारले कि पाठ्यक्रम परिमार्जन गरी संक्षेपीकरण गर्नुपर्‍यो । होइन भने आइतबारको बिदा विद्यार्थीलाई थप बोझ दिने निश्चित छ ।’