अध्ययन विनै योजना छनौट, कार्यान्वयनमा समस्या

मकवानपुर । बागमती प्रदेश सरकारले हरेक वर्ष नीति तथा कार्यक्रम र बजेट अध्ययन विना नै तर्जुमा गर्ने गरेको छ । एक प्रतिवेदनका अनुसार प्रदेश सरकारले ल्याएको हरेक वर्षको बजेट तथा कार्यक्रमहरूमा अध्ययन विना तय हुने गरेको पाइएको हो ।

विगत २०७५/०७६ देखि बागमती प्रदेश सरकारले हरेक वर्ष बजेट सार्वजनिक गर्ने गरेको छ । उक्त बजेटमा सरकारको वार्षिक नीति तथा कार्यक्रमले निर्देशित गरे अनुसारको योजनाहरू समावेश गरी कार्यान्वयनका लागि अघि बढाउने गरेको छ । तर, बजेटमा समावेश गरिएका योजनाहरूमा पर्याप्त अध्ययन नै नहुने गरेको बजेटको वार्षिक मूल्याङ्कन प्रतिवेदनमा उल्लेख गरिएको छ । उक्त प्रतिवेदन अनुसार प्रदेश सरकारले ल्याएका ५ वटा बजेटमा अध्ययन विनै योजना समावेश गरिएको छ ।