डाबरको मह गुणस्तरहीन ठहर, बजारबाट फिर्ता गर्न विभागको निर्देशन

काठमाडौं- खाद्य प्रविधि तथा गुण नियन्त्रण विभागले गुणस्तरहीन भेटिएको डाबर ब्रान्डको मह तत्काल बजारबाट फिर्ता गर्न निर्देशन दिएको छ ।

विभागले बजार अनुगमन तथा निरीक्षणका क्रममा संकलन गरिएको नमुना परीक्षण गर्दा ‘डाबर हनी’ न्यूनस्तरको पाइएकाले बिक्री वितरण रोक्न तथा बजारबाट फिर्ता गर्न आदेश जारी गरेको जनाएको हो ।