हरिसिद्धीमा हवाई फायर गरी २० हजार ट्रामाडोलसहित तीन पक्राउ

काठमाडौं। लागुऔषध नियन्त्रण ब्युरो कोटेश्वरले २० हजार क्याप्सुल ट्रामाडोलसहित तीन जनालाई शनिबार पक्राउ गरेको छ।

ब्युरोका अनुसार बाराको सिम्रौनगढबाट काठमाडौंतर्फ आउँदै गरेको बागमती प्रदेश ०१–०२९ च ९२०१ नम्बरको सुजुकी कारले प्रहरीले रोक्न दिएको संकेत अटेर गरेपछि ललितपुर महानगरपालिका–२८ हरिसिद्धिमा हवाई फायर गरी नियन्त्रणमा लिइएको हो। उक्त कारलाई बा.प्र.०२–०५६ प ४७६५ नम्बरको मोटरसाइकलले एस्कर्ट गरिरहेको थियो।