ठूला दल जनताका घरघरमा पुग्दा साना दल अझै अलमलमा, ३७ दलकाे चुनाव चिह्न नै अन्योल

स्थानीय तह निर्वाचनको घोषित मिति नजिकिँदै जाँदा समेत निर्वाचनबारे दलहरुबीच विवाद कायम नै रहेको छ । विशेषत साना दलहरुले आफूले निर्वाचन चिन्ह नपाए आन्दोलन गर्ने तथा निर्वाचन नै हुने नदिने बताईरहेका छन् । ठुला ६ दल चुनावी तयारीमा देखिए पनि चिह्न र विविध कारणले साना दलहरु भने निर्वाचनतर्फ अग्रसर हुन सकेका छैनन् ।

आफूहरु चुनाव चिन्हविहिन अवस्थामै निर्वाचनमा जानुपर्ने अवस्था आएको भन्दै साना दलहरु आन्दोलित बनेका छन् । विगतामा पनि यो विवाद कायम रहेकोमा अहिले निर्वाचन मिति नजिकिएसंगै यो विषय बहसका रुपमा अघि आएको छ ।