दाङमा बलात्कार आरोपमा दुई युवक पक्राउ, एक फरार

काठमाडौं । दाङमा बलात्कार आरोपमा दुई युवकलाई प्रहरीले पक्राउ गरेको छ । एकजना फरार छन् ।

पक्राउ पर्नेमा तुलसीपुर उपमहानगरपालिका–१०, बनगाउँका २४ वर्षीय ओम चौधरी र २२ वर्षीय सुमन भनिने राजेन्द्र चौधरी छन् । १९ वर्षीया एक किशोरीको बलात्कार गरेको उनीहरूमाथि आरोप छ । बुधबार (जेठ ६) दिउँसो उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

ओम, राजेन्द्र र तुलसीपुर–८, टिकरीका २४ वर्षीय राजेश चौधरीले ती किशोरीको बलात्कार गरेको भन्ने उजुरीका आधारमा दुईजनालाई पक्राउ गरिएको प्रहरीले जनाएको छ । प्रहरीले फरार रहेका राजेशको खोजी गरिरहेको छ ।