ठूला दल शक्तिशाली मन्त्रालय नछाड्ने, साना दल कामचलाउ नमान्ने

ठूला दलले विकासे र प्रभावशाली मन्त्रालय नछाड्ने साना दलले कामचलाउ मन्त्रालय नमान्ने भएपछि मन्त्रालयको नाममा कुरा मिल्न सकेको छैन । कांग्रेसबाट सरकारमा उपप्रधानमन्त्रीसहित उपसभापति पूर्णबहादुर खड्काले नेतृत्व गर्ने करिब निश्चितजस्तै छ । कांग्रेसबाटै अर्थमन्त्रीमा डा प्रकाशसरण महत मन्त्री बन्ने पनि पक्काजस्तै छ । यसैगरी, नेकपा माओवादी केन्द्रका केही मन्त्रीहरूको जिम्मेवारी हेरफेर गर्ने प्रधानमन्त्रीसमेत रहेका माओवादी अध्यक्ष प्रचण्डको तयारी छ । माओवादी केन्द्रले भौतिक छाडेर गृह मन्त्रालय लिने सोच बनाएको छ ।