कामना प्रकाशनको पेन्सन खाइरहेछु

व्याकुल पाठक

कामना प्रकाशन र मेरो जन्म दिन एउटै महिनामा पर्दछ । जन्म महिना मिलेरै होला शायद कामना प्रकाशनसँग मेरो जीवनभर कहिल्यै नमेटिने सम्बन्ध गाँसिएको छ । म ११ वर्षको हुँदा स्थापित यस संस्थाले चालिसौं वार्षिकोत्सव मनाउन लागेको थाहा पाउँदा सधैं युवा मनले विचार र कर्म गरिरहने मैले आफूलाई पनि युवाबाट प्रौढमा प्रवेश गर्न थालेको आभास पाएर झसंग भएँ ।