‘डन ३’ विवादमा रणवीरलाई राहत, असहयोगको निर्णय फिर्ता

मुम्बई । फेडरेशन अफ वेस्टर्न इन्डिया सिने एम्प्लोइज (एफडब्लूआईसीई) ले बलिउड अभिनेता रणवीर सिंहविरुद्ध जारी गरेको असहयोगको निर्देशिका तत्काल प्रभावबाट फिर्ता लिने घोषणा गरेको छ।

बुधबार भएको एउटा पत्रकार सम्मेलनपछि एफडब्लूआईसीई ले आधिकारिक विज्ञप्ति जारी गर्दै इन्डियन मोशन पिक्चर प्रोड्युसर्स एशोसिएशन (आईएमपीपीए) को हस्तक्षेप र अपिलपछि यो निर्णय लिएको जानकारी दिएको हो।