२० करोडका भारतीय परियोजना र मोदीको हिन्दु कार्ड

कुरा आजभन्दा ३९ वर्ष अगाडिको हो, स्वर्गीय टीआर विश्वकर्माको नेतृत्वमा हामी दिल्ली भ्रमणमा थियौं । खास कार्यक्रम भारतीय दलित साहित्य एकाडेमीको सप्ताहव्यापी कार्यक्रममा सहभागी हुनु थियो ।

सँगै भारतीय शासन व्यवस्थामा विभिन्न महत्वपूर्ण पदहरूमा लामो समय बिताएका तथा गान्धीले डा. अम्बेडकरको वैकल्पिक दलित नेताको रूपमा उभ्याएका जगजीवन रामसँग पनि भेटघाटको कार्यक्रम थियो । उनी इन्दिरा गान्धी नेतृत्वको कंग्रेस पार्टी छोडेर विपक्षीको खेमामा जोडिएका थिए ।