ड्रिल मेसिन चलाउँदा करेन्ट लागेर एक जनाको मृत्यु

मकवानपुरको मनहरी गाउँपालिका–६, कोलाघारीमा करेन्ट लागेर एक जनाको मृत्यु भएको छ।

जिल्ला प्रहरी कार्यालयका अनुसार आइतबार साँझ करिब ५:१० बजे मनहरी–६ कोलाघारी निवासी ३९ वर्षीय मङ्गलबहादुर प्रजा प्रतापपुरस्थित सुरेश मोक्तानको निर्माणाधीन नयाँ घरमा ढोका जडान गर्ने क्रममा ड्रिल मेसिन चलाउँदा एक्कासी करेन्ट लागेर गम्भीर घाइते भएका थिए।