पर्वतारोहण संघले सरकारलाई बुझाएन ९ करोड रोयल्टी

काठमाडौं । नेपाल पर्वतारोहण संघ (एनएमए)ले सरकारलाई ९ करोड भन्दा रोयल्टी नबुझाएको पाइएको छ । संघले २०८१–८२ मा हिमाल चढ्न अनुमति दिए वापत १२ करोड २० लाख रुपियाँ रोयल्टी संकलन गरेको छ ।

तर महालेखा परिक्षकको कार्यलयले सार्वजनिक गरेको ६३औ प्रतिवेदन अनुसार संघले अहिलेसम्म आर्थिक वर्ष २०८१–८२ मा संकलन भएको ९ करोड ६३ लाख रुपियाँ रोयल्टी सरकारलाई बुझाएको छैन ।

Advertisement

मन्त्रीपरिषद्को २०७५-४-१० को निर्णयबाट २०८०-४-९ सम्मको लागि देशभरका ६ हजार मिटर उचाइसम्मका २७ हिमचुलीको रोयल्टी दस्तुर सङ्कलन गर्न नेपाल पर्वतारोहण संघलाई जिम्मेवारी दिएकोमा २०८०-७-२३ मा उक्त अवधि पुनः ५ वर्षको लागि थप गरिएको छ ।

६ हजारभन्दा माथिका हिमाल चढ्ने अनुमति पर्यटन विभागले नै दिने गरेको छ । पाँच हजार ८०० देखि छ हजार ५०० सम्मका हिमाल आरोहणको अनुमति भने एनएमएले दिने गरेको छ ।