भारी बोकेर कमाएको साढे चार करोडको सम्पत्ति आश्रमलाई दान

झापा । झापाको मेचीनगर–४ बाहुनडाँगीका रामबहादुर प्रधान (८४) ले जीवनभरको मिहिनेत, संघर्ष र त्यागबाट आर्जित साढे ४ करोड मूल्य बराबरको २ बिघा ५ कट्ठा जमिन मानव सेवा आश्रमलाई दान दिएका छन्। सम्पत्ति हस्तान्तरणपछि उनी आश्रमकै संरक्षणमा जीवन बिताइरहेका छन्।

जग्गादानको सोच आएपछि उनले धेरैतिर बुझे। र, वृद्धाश्रम या बाल आश्रमलाई जग्गा दान दिने निधोमा पुगे। बुझ्दै जाँदा मानव सेवा आश्रमसँग जोडिए। ‘मलाई राम्रो संस्थालाई जग्गा दान दिने विचार थियो,’ उनी भन्छन्, ‘मानव सेवा आश्रम ठीक लाग्यो।’ मानव सेवा आश्रमका प्रतिनिधि रामजी अधिकारीसँग पटक–पटक छलफल भयो।