अनुसन्धान क्रममै पौडेलद्वयको अस्वाभाविक विदेश आउजाउ

काठमाडौँ — भ्रष्टाचार आरोपमा अख्तियार दुरुपयोग अनुसन्धान आयोगको उच्च निगरानीमा रहेकै बेला सुरक्षण मुद्रणका तत्कालीन कार्यकारी निर्देशक विकल पौडेल र नेपाल टेलिकमका तत्कालीन प्रबन्ध निर्देशक सुनील पौडेलले पटक–पटक शंकास्पद विदेश यात्रा गरेको अध्यागमन अभिलेखबाट खुलेको छ ।

विकल त अझ सूचना प्रविधिसम्बन्धी उपकरण खरिद प्रकरणमा भ्रष्टाचार गरेको कसुरमा अदालतमा मुद्दा दायर नै भइसकेपछि पनि सिंगापुर गएको भेटिएको छ ।