तुलसी सहकारीका अध्यक्षलाई ६ वर्ष कैद, ६७ करोड ५९ लाख जरिबाना

विराटनगर : जिल्ला अदालत मोरङले विराटनगरमा मुख्य कार्यालय रहेको तुलसी बहुमुखी सहकारी संस्थाको रकम अपचलनसँग सम्बन्धित मुद्दालाई किनारा लगाएको छ।

अदालतले सहकारीका अध्यक्ष केदारनाथ शर्मालाई ६ वर्ष कैद र ६७ करोड ५९ लाख रूपैयाँ बढी जरिबाना र त्यही बराबरको बिगो हुने फैसला बिहीबार सुनाएको छ। न्यायाधीश सीता शर्मा अधिकारीको इजलासले सहकारीका अध्यक्ष शर्मासहित सचिव सविना न्यौपाने र छेत्रीय प्रबन्धक सन्दीप खवासलाई गत आइतबार दोषी ठहर गरेको थियो।