छैठौं पटक सगरमाथा शिखरमा पूर्णिमा

गोरखा : कीर्तिमानी सगरमाथा आरोही गोरखाकी पूर्णिमा श्रेष्ठ आफ्नै रेकर्ड तोड्दै छैठौँ पटक सगरमाथा शिरमा पुगेकी छिन् । सतोरी एड्भेञ्चरको टिमसँगै उनी बुधबार सगरमाथा शिखरमा पुग्न सफल भएकी हुन् ।

उनी छैठौँ पटक सगरमाथा आरोहण गर्न सफल भएको भन्दै सो कम्पनीले बधाइ ज्ञापन गरेको छ । यसअघि उनले दुई हप्तामा तीन पटक सगरमाथा शिखर चुमेको भन्दै गिनिज बुक अफ वल्र्ड रेकर्डले उनको नाम सूचीकृत गरेको थियो ।