कीर्तिमान भङ्ग गर्ने दाउमा २१ वर्षे युवा सनसनी गुलेर

काठमाडौँ। विश्वकप फुटबल २०२६ सुरु भएसँगै धेरै युवा खेलाडीहरू आफ्नो प्रतिभा देखाउन आतुर छन्। यसै भीडमा सबैभन्दा बढी प्रतीक्षा गरिएका र चर्चामा रहेका एक युवा प्रतिभा हुन्, टर्किए (टर्की) तथा रियल म्याड्रिडका आक्रामक मिडफिल्डर आर्दा गुलेर।

२१ वर्षकै उमेरमा आफ्नो जादुमयी खेलका कारण विश्वभरका फुटबल प्रेमीको ध्यान खिच्न सफल गुलेर यस पटकको विश्वकपमा टर्किएका मुख्य हतियार हुन्। मैदानमा उनको सोच्ने क्षमता, उत्कृष्ट पासिङ र लामो दुरीबाट प्रहार गर्ने शक्तिशाली सर्टका कारण उनी विपक्षी टोलीका लागि सबैभन्दा खतरनाक खेलाडी बन्ने अनुमान गरिएको छ।