नेकपाको केन्द्रीय समिति बैठक : महासचिव विप्लवको दस्तावेज पारित

काठमाडौँ । नेत्रविक्रम चन्द ‘विप्लव’ नेतृत्वको नेकपाको नवौं केन्द्रीय समितिको तेस्रो पूर्ण बैठकमा केन्द्रीय सदस्यहरुले धारणा राख्ने क्रम सकिएको छ । मंगलबारदेखि कपिलवस्तुस्थित पार्टी केन्द्रीय कार्यालयमा जारी बैठकमा केन्द्रीय सदस्यहरुले धारणा राख्ने क्रम सकिएको हो । बैठकमा महासचिव विप्लवले राखेको दस्तावेज (प्रस्ताव) पास भएको छ ।

बैठकमा १ सय २९ जना केन्द्रिय सदस्यहरुले महासचिवको दस्तावेज र आ–आफ्नो कार्यक्षेत्रको रिपोर्ट पेश गर्दै धारणा राख्ने क्रम सकिएको सो पार्टीका एक केन्द्रीय सदस्य जानकारी दिए । महासचिव विप्लवले बैठकमा ‘पार्टी योजनालाई कडाइपूर्वक लागू गरौं ,एकीकृत जनक्रान्तिलाई अगाडि बढाऔँ’ भन्ने शीर्षकको ११ पृष्ठ लामो दस्तावेजमा प्रस्तुत गरेका थिए ।