महिला टी-२० विश्वकप : नवौं पटक भारत-पाकिस्तान भिड्दै

महिला टी-२० विश्वकपको खेल भारत र पाकिस्तानबीच आज (आइतबार) साँझ ७:१५ बजे एजबेस्टन रंगशालामा सुरु हुनेछ। यो प्रतियोगितामा दुई टोलीबीचको पहिलो खेल हुनेछ।

भारत गत टी-२० विश्वकपमा सेमिफाइनलमा पुगेको थियो भने पाकिस्तान समूह चरणबाटै बाहिरिएको थियो।

भारत र पाकिस्तानले १६ वटा टी-२० खेल खेलेका छन्, जसमा भारतले १३ र पाकिस्तानले ३ खेल जितेका छन्। टी-२० विश्वकपमा यी दुई टोली आठ पटक आमनेसामने भएका छन्, जसमा भारतले ६ र पाकिस्तानले २ खेल जितेका छन्।

गत वर्ष पहिलो एकदिवसीय विश्वकप जितेको भारतीय टोली अब टी-२० विश्वकप जितेर लगातार दोस्रो पटक आईसीसी उपाधि जित्ने लक्ष्यमा हुनेछ। यसैबीच, पाकिस्तानले हालै टी-२० शृङ्खलामा बंगलादेशलाई ३-० ले हराएर प्रतियोगितामा स्थान बनाएको छ।

Follow @nagarik_news